اسٹاف رپورٹ
اسلام آباد : الیکشن کمیشن کا اجلاس آج اسلام آباد میں ہورہا ہے جس میں طے کیا جائے گا کہ عدالتی احکامات کے مطابق دہری شہریت والے ارکان پارلیمنٹ کے خلاف کیا کارروائی کی جائے۔
سپریم کورٹ نے جمعرات کو اپنے فیصلے میں دہری شہریت والے قومی اور صوبائی اسمبلیوں کے گیارہ ارکان کی رکنیت ختم کرنے اور ان کے خلاف کارروائی کے احکامات جاری کئے تھے۔ الیکشن کمیشن نے عدالتی فیصلہ موصول ہونے کے بعد فوری طور پر ان ارکان کی رکنیت ختم کردی تھی۔
الیکشن کمیشن کے آج اجلاس میں جائزہ لیا جائے گا کہ ان کے خلاف کیسے کارروائی کی جائے۔ الیکشن کمیشن شہریت کے بارے میں ارکان پارلیمنٹ سے نئے حلف لینے کے طریقے پر بھی غور کرے گا۔ سماء